Linda Rei ka treguar se ka paguar shumë pak lekë për t’u kthyer nga mashkull në femër.
E ftuar në emisionon “Late Night Show”, në RTV Ora, ajo ka folur për jetën e saj personale, me çfarë po merret pasi është larguar nga Shqipëria dhe për operacionin që ka kryer për të ndërruar gjini.
Sipas Lindës, në Itali dhe në shumë vende të botës dhe Europës këtë operacion ta siguron shteti, ndryshe nga Shqipëria.
“Shumë pak, në Itali të ndihmon shumë shteti. Kam marrë lekë edhe nga shteti. Ndoshta këtu mund të duket si diçka shumë e çuditshme, por si në Itali si nëpër botë nuk është ndonjë gjë e madhe të lindësh çun dhe një mëngjes çohesh dhe thua e di se çfarë do bëj unë sot, do bëj cicat, do bëj make up, jo.
Është diçka që ti lind dhe shkenca dhe mjekësia ka arritur të kuptojë që është një gjendje lindore prandaj kudo nëpër botë është shumë normale. Të ndihmon shteti që ti të arrish qëllimin që do, si një femër që do të bëhet mashkull dhe një mashkull që di të bëhet një femër”, shprehet Linda Rei.
E pyetur nga Kastoro Zizo se me çfarë merret këtë kohë që ka qëndruar larg vëmendjes së mediave, Linda Rei ka qenë disi e rezervuar duke folur në vija të përgjithshme.
Ajo shprehet se jeton në Veleta të Maltës dhe përpiqet ta shijojë jetën e saj.
