Çifti i njohur i showbiz-it, Marsela Çibukaj dhe Vitmar Basha, ishin të ftuar pasditen e sotme në emisionin “Rudina”.
Dy të dashuruarit, të cilët ishin edhe “konkurrentë” në festivalin e “Këngës Magjike”, kanë rrëfyer më tepër për romancën e tyre.
Marsela dhe Vitmari kanë treguar momentin e puthjes së tyre të parë, që kishte ndodhur njësoj si nëpër filma.
“Marsela është kreativiteti që krijon dhe me dy gjëra që mund të ketë. Plotësojmë njëri tjetrin. Jemi njohur para 8 vitesh, Marsela drejtonte një emision, ishte thjesht diçka aty, pastaj unë e kam parë te “The Voice”. Në mars të 2018 unë bëra hapin që fillova duke e kërkuar. U takuam në një lokal, më pëlqeu si ishte veshur. Dolëm për kafe dhe më pas filluam të shkruheshim”– ka treguar Vitmari.
Më tej, Marsela shtoi se puthja e tyre e parë kishte ndodhur si nëpër filma.
Vitmari e kishte ftuar për një vallëzim romantik teksa ndodheshin jashtë në shi dhe aty kishte ndodhur edhe momenti magjik, puthja.
“Pas një live, ishte orari i vonë, kishim një CD me muzikë në makinë dhe Vitmari më fton të vallëzojmë. Ishte një moment shumë i bukur e ruajmë si thesar.”- ka treguar këngëtarja sipas “News.31”
