Disa ditë më parë, teksa ishte e ftuar në emisionin “Wake Up”, Rudina Dembacaj konfirmoi para kamerave lajmin e ndarjes së saj me partnerin Aleksandër Varfaj.
“Kemi hapur një padi që në qershor. Po është e vërtetë dhe ne jemi në proces divorci. Unë dhe Aleksi kemi një mrekulli që quhet Viktoria, por është e vërtetë që po divorcohemi”- tregoi Rudina, e cila megjithëse është drejt divorcit, vazhdon të ruajë marrëdhënie të mira me Aleksin.
Madje, ajo na ka habitur me foton e fundit të cilën e publikoi pak më parë në InstaStory.
Rudina ka pozuar me Aleksin dhe krahas fotos njofton vajzat e interesuara se tashmë ish-partneri i saj është beqar.
“Aleksi çun beqar”- janë fjalët e Rudinës.
Të njëjtën foto e ka ripostuar edhe Aleksi, i cili shkruan krahas postimit:
“Të dy jemi beqarë.”
Mesa duket, për hir të voglushes së tyre ata kanë vendosur të mbesin shokë, megjithëse jeta e tyre tashmë ka marrë drejtime të ndryshme.
