Ermonela Jaho e bëri të njohur Shqipërinë në arenën ndërkombëtare të operës. Kanali televiziv “France 3” transmetoi mbrëmjen e djeshme Festivalin e Muzikës Klasike, ku interpretoi edhe sopranoja shqiptare me famë botërore.
“Muzika madhështore na frymëzon gjithmonë të gjithëve. Faleminderit publiku i C.D’Orange për atmosferën dhe mbështetjen”, shkruan në një postim në rrjetin social Facebook, sopranoja Ermonela Jaho. Sopranoja Jaho interpretoi “Maria Stuarda”, nga opera e Gaetano Donizetti, që është një apel për paqen.
Televizioni francez i bëri një promovim të dukshëm, jo vetëm sopranos shqiptare, por edhe artit dhe kulturës shqiptare, ku theksohen arritjet e pazakonta në interpretimin e muzikës klasike të këngëtarëve shqiptarë dhe veçantitë në interpretimin e trashëgimisë muzikore shqiptare.
Festivali synon të pasqyrojë standardet dhe arritjet e larta artistike të vitit në Operën e Toulon, Avignon, Marseille etj. Edicioni i parë i festivalit “Muzika në Festë” është zhvilluar në vitin 2011 në teatrin e bukur antik “Orange”.
Kiujtojmë që në maj të këtij viti, sopranoja Ermonela Jaho fitoi çmimin ndërkombëtar prestigjioz Readers Award, në ceremoninë që njihet si Oskari i Operas që u mbaj në teatrin “Savoy” të Londrës.
