Ish-futbollisti i kombëtares shqiptare Igli Tare, aktualisht drejtori sportiv i Lacios është nominuar për një çmim shumë të rëndësishëm në botën e futbollit.
Igli është përzgjedhur si njëri prej finalisteve të mbrëmjes së 29 nëntorit që do të mbahet në Dubai të Emirateve të Bashkuara Arabe në “Global Soccer Awards”.
Falë kontributit që ka dhënë për skuadrën italiane, ai është nominuar për çmimin “Menxheri më i mirë i talenteve për vitin 2019”.
’Global Soccer Awards’’ është njëri prej çmimeve më prestigjioze që jepen për futbollistët dhe trajnerët më të mirë të vitit.
Për nga rëndësia, ai vjen pas ‘’Topit të Artë’’.
