Këngëtari shqiptar Bertan Asllani, i njohur në Turqi si Tarkani i Ballkanit, prej kohësh është në një lidhje romantike me aktoren e njohur turke Hazal Senel.
Ndonëse aktorja publikonte në rrjetet e saj sociale shpesh foto me të, Bertani kishte zgjedhur që jetën personale ta mbante larg rrjeteve sociale.
Megjithatë së fundmi edhe i ka bërë një përjashtim.
Këngëtari ka publikuar në Instastoty një foto ku shfaqet me Hazal dhe foton e ka shoqëruar me një zemër të kuqe.
Bertan Asllani ka luajtur në serialin turk “Pis Yedili” bashkë me aktoren Hazal Senel, me të cilën besohet se është njohur gjatë xhirimeve.
Fotot e tyre të para bashkë janë shkrepur që në vitin 2017 dhe ata janë parë shumë të afërt teksa po pushonin në një vend bregdetar.
