Modelja shqiptare Stella Vasilika Kerxhalli dhe partneri i saj, Christian Milo, kanë ndërruar jetë mbrëmjen e së dielës në Romë.
Ata po udhëtonin me motorin e tyre dhe Christian Milo ka humbur kontorllin duke u përplasur me një makinë tip “Benz”.
Mediat italiane shkruajnë se dyshja ishte njohur gjatë një seti fotografik 7 vite më parë.
Ata duheshin shumë me njëri-tjetrin dhe në çdo vend shiheshin bashkë. Ata shtojnë se modelja shqiptare dhe fotografi rumun kishin blerë një shtëpi të re dhe po mendonin të martoheshin.
Një bashkëpunëtor i fotografit ka treguar se kjo është një humbje e madhe për të pasi Christian ishte njeri shumë pozitiv.
“Nuk mund ta besoj është një makth. Unë humbas një koleg, një mik dhe një vëlla. Ai ishte personi i parë që takova në akademi, dhe që atëherë kemi shkuar përpara së bashku. Ai bënte fotot dhe unë videot. Të mërkurën ne e kishim lënë të takoheshim së bashku”, tregon Giuseppe Torcaso, për një media italiane.
Stella Vasilika Kerxhalli është më origjinë shqiptare, por gjatë viteve të shkollës në Itali ajo është birësuar nga një familje ruse.
