Një propozim për martesë nga fusha e gjerbët e stadiumit francez! Surpriza e realizuar në stadiumin e Lensit erdhi nga futbollisti shqiptar, Blendi Baholli. Me një banderolë të bardhë, futbollisti shkroi një propozim për martesë partneres së tij, Nevila.
Propozimi ishte shkruar në anglisht: “’Marry me, Nevila”. Për ta kompletuar Blendi kishte pikturuar edhe dy zemra.
Blendi Baholli është trajneri i ekipit të Sopotit, por zgjodhi që të bënte disa pushime me partneren e tij, për të ndjekur nga afër Kombëtaren në Francë.
Ai shfrytëzoi kohën para fillimit të ndeshjes për të realizuar propozimin e tij dhe përgjigjja ishte “Po”!
