Ditën e sotme ka nisur sezoni i ri shkollor dhe rrugët e qyteteve janë mbushur që në orët e para të mëngjesit me grupe nxënësish.
Të shumtë janë vogëlushët që do të futen në klasë të parë dhe sigurisht, krah tyre s’mund të mungonin prindërit, të emocionuar për ditën e veçantë të fëmijëve.
Një emocion të tillë e ka ndjerë edhe balerina Hueyda El Saied, teksa ka çuar të birin në klasë të parë në Luksemburg.
Ajo ka ndarë në profilin e saj në Instagram një foto të Gabrielit me çantën në shpinë dhe ka përshkruar ndjesinë për këtë ditë, duke kuptuar se koha kalon kaq shpejt.
“Dita e parë e shkollës. Gabrieli është i gëzuar, ndërsa mua më kapi një ankth sa që kur u fut në klasë, rrija si statujë tek dera dhe e shihja. Në një moment u hutova aq shumë sa u futa në klasën e tij dhe pyeta: “Gabriel ku e le çantën”, ndërkohë që çanten e tij e kisha unë në dorë. Koha kalon aq shpejt dhe unë e kuptoj këtë teksa shoh Gabrielin të rritet e të më thotë « Mami mjaft më puthe »”- janë fjalët e Hueydës krahas fotos.
Kujtojmë se prej kohësh balerina po jeton me partnerin e saj të ri, Thierry-n, pas ndarjes së bujshme nga ish-bashkëshorti.
