Prej disa javësh, në media po përflitet për lidhjen e re të modeles Gigi Hadid me aktorin Tyler Cameron.
Pas ndarjes nga Zayn Malik me të cilin kishte një lidhje të gjatë, Gigi u fotografua në shoqërinë e Tyler.
Madje ky i fundit është parë shpeshherë duke dalë nga apartamenti i Gigi-t, ku ka kaluar natën.
Duket se gjërat mes tyre janë bërë familjare, pasi Tyler ka udhëtuar drejt Hollandës për të ngushëlluar Gigi-n për humbjen e gjyshes së saj.
Ata janë fotografuar të veshur me të zeza gjatë funeralit dhe Tyler është parë t’i qëndrojë shumë pranë modeles.
Gjithashtu në funeral ndodhej edhe Dua Lipa, e cila prej disa kohësh ka nisur një romancë të re me vëllain e motrave Hadid, Anwar-in.
Të rinjtë kanë ndenjur së bashku dhe nuk i kanë shpëtuar syve të paparacëve, të cilët kanë fotografuar çdo moment gjatë funeralit.
