Një ngjarje e rëndë ndodhi mbrëmjen e djeshme në Korçë, ku në 57-vjeçar u ekzekutua me armë në shtëpinë e tij. Viktima Gramoz Nako u gjet i mbuluar me gjak nga bashkëshortja e tij kur ishte kthyer në shtëpi.
Gramoz Nako jetonte në një apartament në lagjen nr.7 të qytetit së bashku me bashkëshorten.
Policia ka gjetur dy gëzhoja në trupin e viktimës dhe një tjetër pranë trupit të tij. Babai i dy fëmijëve, i cili kishte jetuar prej vitesh në USA, 2 ditë më parë më parë ishte kthyer nga pushimet në Turqi.
Por pak orë pas ngjarjes mësohet se është vetëvrarë kunati i tij Sefedin Zenellari, 71 vjeç, me të njëjtën armë. Në banesën e 57-vjeçarit, policia konstatoi se mungonte një shumë prej 13 mijë eurosh e cila dyshohet se është shuma që kunati i tij i ka marrë nga banesa.
Policia ka shkuar na banesën e 71-vjeçarit mëngjesin e sotëm për ta shoqëruar lidhur me ngjarjen e një nate më parë, por Zenellari është mbyllur në banesë duke i dhënë fund jetës me të njëjtën armë me të cilën një natë më parë vrau kunatin e tij.
