Ermonela Jaho, sopranoja shqiptare me famë ndërkombëtare, fitoi Çmimin Ndërkombëtar të Operës nga votat e publikut botëror. Një çmim, që mund të cilësohet si “Oscar”-i i Operës Botërore, iu dha artistes shqiptare gjatë ceremonisë së ndarjes së çmimeve të zhvilluar mbrëmjen e djeshme në Teatrin Savoy të Londrës.
Sopranoja Ermonela Jaho bëri të ditur lajmin, duke falënderuar të gjithë admiruesit e saj në botë dhe veçanërisht në atdheun e saj. Ndërsa tregon sekretin e fitues, i cili për të ishte jeta që i dedikoi pasionit.
“Dua të falënderoj të gjithë admiruesit e artit tim nëpër botë dhe veçanërisht në Shqipëri për mbështetjen dhe dashurinë…..Kushdo që i dedikon jetën pasionit të tij është gjithmonë fitues… Ju dua të gjithëve!”, shkruan Ermonela Jaho në profilin e saj në “Facebook”.
