Tirana u trondit mbrëmjen e 18 marsit, kur 26-vjeçari Jurgen Kurti u qëllua për vdekje në hyrjen e pallatit ku banonte, nga një breshëri automatiku. Dhe tashmë, tetë ditë pas ngjarjes së rëndë, në pranga kanë përfunduar tre persona që janë përgjegjës për ekzekutimin e tij.
Në njoftimin e Policisë së Tiranës bëhet me dije se, u arrestuan Elsi Leventi, 21 vjeç, lindur në Athinë dhe banues në Tiranë, Alesio Berberi, 33 vjeç, lindur në Patos, Olsi Qalliaj, 22 vjeç, lindur në Fier dhe banues në Patos.
Ndërsa nuk sqarohet sesi u gjetën autorët e krimit, policia shprehet vetëm që këta tre persona janë bashkëpunëtorë në vrasje e tij, ndërsa një i katërt është shpallur në kërkim.
Pas kontrolleve në shtëpitë e tyre u gjetën: një pistoletë TT, fishekë luftarakë, makina me të cilën u larguan nga vendi i krimit, një sasi e vogël lënde narkotike, 2470 euro, si dhe dy makina luksoze.
Ndërkohë uniformat blu nuk kanë dhënë detaje lidhur me arsyen që i çoi ekzekutorët në vrasjen e 26-vjeçarit.
