Qëkurse është bërë pjesë e familjes mbretërore, jemi mësuar ta shohim Meghan Markle të veshur me ngjyra serioze si blu dhe jeshile e errët.
Por, këtë herë ajo na ka surprizuar të gjithëve duke u shfaqur me një kombinim super të veçantë, që duket se i shkon shumë.
Meghan ka veshur pallto dhe këpucë të kuqe, të kombinuara me një fustan ngjyrë vjollcë dhe një çantë ngjyrë kafe.
Duket se dukesha ka ndjerë mall për vitet e mëparshme kur ende nuk e kishte këtë post dhe në këtë mënyrë, përmes këtyre ngjyrave ka dashur të rikthehet edhe njëherë të jetë fashionista e dikurshme.
Palltoja e kuqe e Meghan, e markës Sentaler ka një vlerë prej 1,400 dollarësh. Kjo veshje besohet të jetë një shtesë e re për garderobën e saj.
Kuptohet se këto ngjyra të çelura kanë lidhje edhe me situatën në të cilën ndodhet momentalisht Meghan. Ajo është në një pritje të ëmbël dhe pas pak kohësh do bëhet nënë për herë të parë.
Sakaq, në sy ka rënë menjëherë dhe çanta tepër e veçantë e markës Gabriela Hearst, me një vlerë marramendëse prej 2000 dollarësh. Çanta është një nga më të preferuarat e momentit nga blogeret dhe fashionistat nëpër botë dhe thuajse gjithëkund është “sold out”.
