Diana Viljevaç paraqet koleksionin e saj të ri për sezonin e pranverës. Ajo dizajnoi fustane femrash me motive romantike, duke iu përshtatur kërkesës së femrave për modele trendi me dizajne komerciale.
Duke i qëndruar besnike stilit të saj të modës, çdo koleksion i bërë me motive të preferuara romantike, interpretohet në një mënyrë të re.
Në koleksionin e ri, që përfaqëson motive vizuale intriguese, ka arritur të sjell edhe një dozë të misticizmit dhe dramës duke u frymëzuar në forma dhe struktura të reja. Modelet e fustaneve përmbajnë pëlhura të theksuara dhe të tejdukshme, si dantella dhe mikrofibër.
Kësaj here përzgjedhja e ngjyrës nga dizajnerja ndryshon paksa nga koleksionet paraprake, dominon një shumëllojshmëri ngjyrash duke filluar nga e verdha, e kuqja, roza dhe ngjyrat pastel.
