Ndërkohë që në media po diskutohet një emër i mundshëm për prezantimin e “Big Brother Vip”, një lajm i keq është mësuar së fundi për këtë reality show.
Burime pranë “Blitz.al” kanë zbuluar se “Top Channel” e ka anulluar tashmë transmetimin e “Big Brother Vip” dhe shkak për këtë është bërë kostoja e madhe që ky spektakël mban mbi “supe”.
Pavarësisht se ky është një nga spektaklet më të ndjekur në vend dhe kjo është vërtetuar nga audienca e lartë që ka pasur , duket se nuk do të kemi të paktën për momentin një “Big Brother VIP”.
Pak javë më parë, u hodhën hipoteza në lidhje me prezantuesen e këtij programi dhe u përfolën 3 emra: Dojna Mema, Luana Vjollca dhe Ori Nebiaj.
U përfol madje se “Big Brother VIP” është në përgatitje e sipër dhe madje autor do jetë Ledion Liço. Gjithsesi na mbetet të shohim në vijim se çdo të ndodhë.
