Ajo është bërë miliardere dhe kjo do të thotë që mund t’i blejë mamit dhuratën më të shtrenjtë për ditëlindje. Kylie Jenner surprizoi të ëmën Kris me një “Ferrari 488” të kuq, për 63-vjetorin.
Dhe nëse vrisni mendjen sesa i ka kushtuar, vlera e kësaj makine është plot 250 mijë dollarë.
“488 për Mbretëreshën”, shkroi ajo në videon e publikuar në Instagram, ku shfaqet Kris në vendin e shoferes, e cila thotë se është makina e ëndrrave.
Motra e saj Khloe bën shaka për faktin se askush nuk mund ta kalojë këtë dhuratë:
“Besoj se do t’ia jap dhuratën më vonë”.
Kylie shkoi me “Ferrari”-n në shtëpinë e të ëmës, ku gjatë udhëtimit tregoi se kjo ishte dhurata e saj e ditëlindjes për të.
“E kam mbajtur këtë muajin e fundit dhe jam shumë e emocionuar që më në fund do t’ia jap asaj”, tha ajo në Instagram.
Kur pa makinën Kris nuk mund t’i besonte syve:
“Po tallesh me mua? Mjaft! Çfarë po ndodh?”, tha ajo ndërsa i dilnin lot nga sytë.
Makina ishte zbukuruar me një fjongo të bardhë, ndërsa Kris do të festojë 63-vjetorin më 5 nëntor.
Burimi: Daily Mail
