Trendi më i fundit i Instagram-it me pyetje dhe përgjigje ka përfshirë edhe moderatoren e njohur të emisionit “Boom”, Fiori Dardha. Ajo ka bërë një bashkëbisedim të hapur me ndjekësit e saj të shumtë, ku ka zbuluar shumë sekrete nga jeta e saj profesionale dhe personale.
Mirëpo njëri prej ndjekësve të saj e ka pyetur Fiorin se çfarë mendimi ka ajo për Luana Vjollcën.
“Çfarë mendon për Luana Vjollcën?”, e pyet ndjekësi Fiorin.
Pas kësaj pyetjeje Fiori ka dhënë një përgjigje ku shpreh hapur mendimin jo vetëm për Luanën, por edhe për Marinën, duke i cilësuar ato si vajzat më të sjellshme të ekranit.
“Gjatë gjithë viteve të mia në televizion (edhe në Top Channel) kam njohur e kam parë se si janë në marrëdhënie pune plot personazhe publikë që gëzojnë simpatinë e publikut, por dhe që në marrëdhënie njerëzore lenë për të dëshiruar. Shpesh ata që paragjykohen më shumë janë më korrektë e më me këmbë në tokë. Ndaj them me bindje se Luana Vjollca dhe Marina Vjollca janë ndër vajzat më të sjellshme të ekranit! Vajza për së mbari!”, është shprehur Fiori.
