Një tërmet i fuqishëm tronditi sot Shqipërinë. Lëkundjet e tij u ndjenë në të gjithë vendin, por fatmirësisht nuk pati pasoja në njerëz, por vetëm dëme materiale. Është regjistruar se ai ishte me intensitet 6 ballë dhe magniturë 5.1 ballë e shkallës Rihter.
Nga lëkundjet e fuqishme të tërmetit, sipas “Balkanweb”, në Tiranë afër zonës së “Kafes së Rremës”, një pallat 6 katësh ka pësuar çarje të mëdha në një anë të murit.
Ndërsa si pasojë e tërmetit në qytetin Durrësit janë dëmtuar dy ndërtesa. Ky fakt bëhet i ditur nga Prefektura, e cila ka nxjerrë inspektorët në terren për verifikimin e dëmeve. Perfekti Roland Nasta ka raportuar se fatmirësisht nuk ka persona të lënduar.
Gjithashtu edhe në qytetin e Elbasanit si pasojë e lëkundjeve është dëmtuar një pallat në lagjen “Dyli Haxhire”. Sipas burimeve zyrtare raportohet se ka plasaritje të mureve nga lëkundjet e tërmetit.
Burimi: Balkanweb
