Sot është një ditë e veçantë për disa nga personazhet e njohur të ekranit shqiptar. Butrint Imeri, Getoar Selimi, Ramush Haradinaj, Barbana Dini dhe Sonila Meço fetsojnë ditëlindjen në të njëjtën ditë.
Kur flitet për ditëlindjet e personazheve të famshëm të gjithë jemi gjithë sy e veshë për të parë surprizat e shumta që iu janë rezervuar atyre nga familja apo miqtë e tyre më të ngushtë.
Këngëtari Butrint Imeri festoi ditën e sotme ditëlindjen e tij të 22-të. Në këtë ditë të veçantë të jetës së tij ai vendoi t’i uronte i pari vetes ditëlindjen nëpërmjet një postimi në Instagram.
“22, po prapë shumë i ri”, shkruan Butrinti krahas fotos ku shfaqet i buzëqeshur dhe me një gotë verë në dorë.
Ndërkohë që të gjithë jemi mësuar që në ditën e ditëlindjes të marrim dhurata nga të tjerët, Butrinti iu dedikoi një dhuratë speciale fansave të tij. Ai publikoi këngën e tij më të re me titull “Alea”, e cila pritet të shndërrohet në një hit veror.
Kryeministri i Kosovës, Ramush Haradinaj feston sot ditëlindjen e tij të 50-të.
Në këtë përvjetor të rëndësishëm të tij, e para që e ka uruar Haradinajn ka qenë bashkëshortja e tij Anita, e cila e uroi përmes një postimi në Instagram që në orët e para të mëngjesit.
“Burri im i ka bërë 50 vjet! Ka rënë të flejë se s’donte të merrej vesh. Plus 14 vjet martesë!! Ama unë ndejta ta uroj se më pëlqen shumë”, shkruan Anita në një postim në Instastory.
Mirëpo urimi më romatik i Anitës për Ramushin do të ishte në një status shumë domethënës në profilin e saj në Instagram.
“Historitë tona vështirë se mund t’i kuptosh nëse nuk i ke provuar, sot edhe ndoshta mund t’a kemi flakur romantizmin tutje, por kemi 15 vjet bashkë dhe sot festojmë dy festa, sot kur ne jemi më shumë se familje, më shumë se të dashur, më shumë se çift, sot jemi unë, ti dhe tre fëmijë!!! Sot ne mos asgjë përfaqësojmë shumë dashuri brenda botës tonë të vogël me të mirat dhe të këqijat që dashuria i ngërthen në vehte!!! Gëzuar Ramush Haradinaj!! Të duam shumë Gjini, Hana, Trimi e unë edhe ma shumë!!! P.s vazhdoj me mendu që jom ende dhurata ma e mirë që najhere e ke marrë për ditëlindje!! Përveç Ditëlindjes, Gëzuar edhe 15 vjet martese ( vështirë boll ama punë qefi burrë”, shkruante bashkëshortja e Ramush Harajdinajt.
Reperi i njohur, Getoar Selimi feston sot ditëlindjen e tij të 36-të. Ai ka zgjedhur ta festojë ditëlindjen në Sardenja ku ndodhet me pushime së bashku më bashkëshorten e tij, Marina Vjollca.
Urimi më special në këtë ditë të rëndësishme të tij Getoarit i ka ardhur nga Marina që në orët e para të mëngjësit.
“Të shoh ty dhe shikoj pjesën tjetër të jetës sime në sytë e mi! Gëzuar ditëlindjen jeta ime! Ti meriton më të mirën!”, ishte urimi romantik i Marinës.
Ditën e sotme feston ditëlindjen edhe këngëtarja Barbana Dini. Sikurse është bërë traditë ajo i uroi e para vetes ditëlindjen nëpërmjet një postimi në Instagram.
Të shumtë kanë qenë miqtë e saj që e kanë uruar në rrjetet sociale dhe kjo ka qenë me siguri një ditë e mbushur me surpriza të shumta për këngëtaren e njohur.
Mirëpo ndryshe nga të gjithë ajo që e ka kaluar në heshtje ditëlindjen ditën e sotme është prezantuesja e njohur, Sonila Meço.
Ajo bën sot 41-vjeç dhe ka zgjedhur të mos bëjë asnjë postim në rrjetet sociale sikurse bëjnë zakonisht personazhet e famshëm me rastin e ditëlindjes së tyre.
Pavarësisht se Sonila e ka kaluar në heshtje këtë ditë të rëndësishem të saj, kanë qenë miqtë e saj ata që nuk kanë harruar të urojë në rrjetet sociale.
*Kujdes! Ndalohet riprodhimi i këtij materiali pa lejen e redaksisë së Iconstyle.al
