Dy ditë para se të njoftonin ndarjen, Liam Payne ishte gati për të bërë një sherr të madh me ish-të dashurin e Cheryl Cole, pasi të dy u ndeshën në një restorant.
Ylli i One Direction, 24 vjeç, sfidoi francezin Jean-Bernard Fernandez-Versini, 37 vjeç, në restorantin Chiltern Firehouse të premten.
Punonjësit në restorant, një destinacion i frekuentuar nga të famshmit, u larguan nga frika se situata do të përshkallëzohej, raporton “The Sun”.
Një burim tha për median: “JB e pyeti mikun e tij se përse ky djalë po e vështronte dhe më pas e kuptoi se ishte shoku i ish-it. Liam vazhdimisht kërkonte një përballje dhe ndeshje me të”.
“Kishte shumë gjeste, kërcënime nëpër dhomë. Stafi ishte i brengosur se JB do të provokohej, pasi ai ushtrohet në boks çdo ditë.
“Por ai i siguroi ata se nuk po kërkonte sherr dhe do të largohej, sepse kishte një fluturim”.
Mediat shkruajnë se Liam u nevrikos kur pa francezin, pasi ky i fundit nuk ishte sjellë mirë më partneren e tij në kohën kur ishin bashkë.
Cheryl Cole dhe Liam Payne, të cilët i kanë dhënë fund lidhjes së tyre, pas dy vjetësh. Dy këngëtarët dhanë lajmin e ndarjes përmes një postimi të njëjtë në Twitter, ku shpreheshin se ky, ishte një vendim i vështirë për t’u marrë.
