Këngëtarja shqiptare Afërdita Dreshaj i dha fund beqarisë në një dasmë madhështore të organizuar në Miami, me 29 qershor. Afërdita dhe hokeisti çek Jakub Kindl, u betuan për dashuri të përjetshme në festën ameriko-shqiptare me miqtë e tyre të afërt.
Dasma përfundoi, tani rradhën e ka muaji i mjaltit! Në profilin e saj në “Instagram”, Afërdita ka bërë të ditur se është surprizuar nga bashkëshorti i saj këtë mëngjes, për t’u nisur menjëherë në një destinacion surprizë.
“Dhe kjo është supriza për muajin e mjaltit këtë mëngjes. Nuk dija asgjë” – shkruan Afërdita në postimin e saj në “Instastory”, nga aeroporti i Miamit.
Këngëtarja është nisur drejt ishujve Karaibe, konkretisht në Saint Lucia.
Bashkëshorti i Afërditës, ka zgjedhur një nga resortet super luksoze të Saint Lucia, në resortin Jade Mountain, ku shfaqet pamja mbresëlënëse e detit dhe malit.
Por sa kushtojnë shtatë ditë të ëmbla në resortin “Jade Mountain”, që është rënditur në 5 më të mirët nga “Trip Advisor”?
“iconstyle.al” ka zbuluar se pushimet për dy persona për paketën e muajit të mjaltit për shtatë netë prekin shifrën nga 13248 deri në 26856 dollarë.
Këngëtarja nuk ka harruar të falenderojë edhe miqtë dhe familjarët, që e kthyen ditën e kurorëzimit të dashurisë në një ditë të paharrueshme.
