Babai i Dua Lipës, Dukagjin Lipa ka marrë përsipër që të organizojë një koncert madhështor në Prishtinë në datat 10, 11 dhe 12 gusht. “Sunny Hill Fesdtival” quhet koncerti që do të ndezi zjarr Kosovën gjatë kësaj vere.
Krahas Dua Lipës do të këndojnë emra të njohur të muzikës botërore. Ditën e djeshme ishte Stanaj ai që konfirmoi se do të jetë pjesë e koncertit madhështor që do të mbahet në Prishtinë.
Tashmë është konfirmuar se edhe reperi Action Bronson do të performojë në Prishtinë dhe këtë e bëri të ditur nëpërmjet një postimi në Instagram.
Ai njihet nga të gjithë si reperi i koncerteve të çmendura dhe është i fiksuar pas kuzhinës. Ai drejton emisionin “F*uck, That’s Delicious”, ku tregon aventurat e tij në eksplorimin e botës së kulinarisë të kombinuara këto me pasionin për muzikën.
Action Bronson është me origjinë shqiptare dhe emri i tij i vërtetë është Arian Asllani. Babi i tij është një emigrant shqiptar, ndërsa nëna një njujorkeze hebreje. Ai ka kënduar në krah të Kendrick Lamar dhe J.Cole,si dhe në koncertet e Eminem-it në Australi dhe Zelandën e re.
Gjithashtu pjesë e këtij koncerti madhështor do të jenë edhe: producenti, tekstshkruesi dhe DJ i njohur britanik. S.g Lewis, 18-vjeçari nga Londra i apasionuar pas muzikës RnB, Col3trane, dhe ylli i “Silence”, 20-vjeçarja Grace Carter.
Në skenë do të ngjiten edhe emra të njohur të muzikës shqiptare si, Dafina Zeqiri, Ledri Vula, Gjiko, Lumi B, grupi “Asgjë sikur Dielli”, Genc Salihu, Shpat Deda, Kidda, Dren Abazi etj.
Me sa duket të gjithë duhet të shkojmë në Prishtinë në muajin gusht.
