Ata janë prej disa vitesh të lidhur dhe bashkëjetojnë, por Venera Lumani dhe Lind Islami duket se kanë vendosur të marrin një tjetër hap të rëndësishëm në lidhjen e tyre.
Dy këngëtarët e njohur kanë treguar se së fundmi janë në një udhëtim në qytetin e bukur të Barcelonës.
Mes postimeve të shumta ajo që na ra në sy ishte fotoja ku dukeshin duart e të dyve dhe në gishtin e Venerës dukej unaza e fejesës.
Foton e postoi Lindi dhe bashkëngjitur saj shkruante “Përgjithmonë”. Mesa duket këngëtari ka vendosur t’i propozojë të dashurës së tij teksa ishin në udhëtim duke çuar lidhjen e tyre 5- vjeçare në një tjetër stad.
