Vajza, lutjet tona u dëgjuan! Këtë verë mund t’i mbani fare mirë në dollap takat e larta, sepse trendet e sandaleve të sezonit kanë një kryefjalë të vetme: Rehatinë!
Krahas të sheshtave, një model sandalesh në veçanti do të bëjë namin këtë verë dhe bëhet fjalë për sandalet ortopedike. Dhe meqë këto sandale janë një “must have” për këtë sezon, fashionista Linda Dido na propozon tre mënyra të ndryshme për t’i kombinuar.
Kombinimi 1
Veshtjet në stil bohemian janë kombinimi perfekt për sandalet ortopedike dhe një fund me një të çarë joshëse do t’i japë një pamje tepër femërore look-ut tuaj.
Trendi i çantave të kashtës vijon të mbretërojë fuqishëm ndaj Linda ka zgjedhur një të tillë për të plotësuar look-un e saj si dhe një palë syze rrumbullake me detaje druri.
Kombinimi 2
Këtë verë përgatituni të vishni më shumë kominoshe se kurrë më parë, pasi duket se janë ndër veshjet e preferuara të fashionistave.
Me printe nga më të ndryshmet, kominoshet do t’ju lehtsojnë më së miri dilemat e kombinimeve dhe pse jo, mund të eksperimentoni si Linda me një miksim printesh me anë të një çante. Por kujdes, mos neglizhoni vendosjen e aksesorëve si byzylykët apo vathët.
Kombinimi 3
Siç shihet qartë nga këto tre kombinime, linoja dhe printi i vijave do të dominojnë mes trendeve të këtij sezoni. Dhe nëse s’ju kishte shkuar kurrë ndërmend të vishnit një kostum me sandale ortopedike, ndoshta ky kombinim i Lindës do t’ju bëjë ta mendoni.
Me një çantë gjithashtu me printe kontrastuese, syze cateye dhe aksesorin e flokëve, ky look duket si i dalë nga revistat franceze të modës.
