Dolce & Gabbana di se si të sjellë shfaqjen e duhur dhe koleksioni Vjeshtë 2016 gjatë Javës së Modës në Milano nuk zhgënjeu. Duke nisur nga tema e përrallave të njohura, duke vazhduar me karrocat me kuaj, shandanët dhe orët që shënojnë mesnatën. Këto janë nëntë detajet e koleksionit.
1.Dolce & Gabbana nuk e mbajti temën e përrallave të mbështjellë, pasi skena kishte pjesë nga “E bukura e fjetur”, “Hirushja” dhe “Borëbardha”.
2.Muza e Dolce & Gabbana, Bianca Balti, u ul në radhën e parë.
3.Fustanet kishin zbukurime nga skenat e përrallave, si njerka e Borëbardhës para pasqyrës në një fustan të shkurtër kamoshi blu.
4.Dolce & Gabbana solli fustanet me mëngë të fryra si të princeshave dhe me pjesë metalike.
5.Po për princat? Ata u prezantuan me xhaketa madhështore me zbukurime me litar ngjyrë floriri.
6.Prezantoi fustanin e dytë me shandan në Javën e Modës në Milano. Dolce & Gabbana zbukuroi pjesën e përparme të një fustani të zi me golf, ndoshta shumë më e thjeshtë për t’u veshur se sa shandani i Moschino-s.
7.Nga ana tjetër, Dolce & Gabbana solli disa fustane deri tek gjuri të stilit të viteve ’40 me lule dhe me mëngë të gjata.
8.Si gjithmonë këpucët erdhën me bazament të lartë dhe të zbukuruara, në formë këmbalesh.
9.Shfaqja u mbyll me kalimin e modeleve të veshura me fustane të shkurtra me xixa argjendi, rozë dhe të purpurt.
Burimi: Vogue
