Fama e saj i ka kapërcyer kufijtë e Turqisë, falë talentit në aktrim. Bëhet fjalë për aktoren Serenay Sarikaya, e cila ka vendosur ta rrëfejë historinë e jetës së saj përmes një filmi.
“Cnnturk” shkruan se filmi do të titullohet “Një vajzë e re gjen veten” dhe xhirimet e tij, priten të nisin së shpejti. Mësohet se vetë Serenay, ka përzgjedhur aktoren Miray Daner, për të luajtur personazhin e saj në film.
Serenay dhe Miray, janë takuar në setin e serialit “Medcezir”, teksa aktronin përkrah njëra-tjetrës si motra.
Serenay Sarikaya lindi në Ankara, por në moshën 7-vjeçare kur prindërit u divorcuan, e ëma e saj u shpërngul në Stamboll për një të ardhme më të mirë për vajzën.
Në moshen 15 -vjeçare, ajo mori pjesë në një konkurs bukurie ku zuri vendin e parë dhe prej saj nisën edhe oferta të shumta nga bota e kinematografisë. Në Shqipëri, Serenay njihet për rolin e saj në serialin Lale Devri, ku luan përkrah aktorit Tolgahan Saysman. Serenay është shpallur gruaja e vitit në Turqi, nga revista “GQ” si dhe ka fituar 3 çmime “Butterfly” (çmim që i jepet aktorëve më të mirë në Turqi).
Serenay është në një lidhje dashurie me aktorin turk Kerem Bursin.
