Kënga e Eugent Bushpepës në Eurovizion është ndaluar që të transmetohet në Kinë dhe ka një arsye të veçantë.
Sipas “Esctoday”, Genti u ndalua ta shfaqej në transmetim gjatë natës gjysmë-finale, për shkak të një rregulloreje, e cila ndalon artistët që të shfaqin tatuazhet në televizion.
Rregulli u prezantua në janar të këtij viti, në të cilin Administrata Shtetërore e Shtypit, Radioja, Filmi dhe Televizioni i Republikës Popullore të Kinës (SAPPRFT) deklaron: “kërkojmë në mënyrë specifike që programet të mos shfaqin aktorët me tatuazhe”. Madje Genti u hoq edhe nga njoftimi i kualifikimit, ku transmetuesi tregoi vetëm një pjesë të reagimit të ekipit shqiptar.
Përveç këngës përfaqësuese të Shqipërisë Kina ka ndaluar edhe transmetimin e interpretimit të Rayn O’Shaughnessy’s, përfaqësuesit të Irlandës sepse në skenë kishte një çift meshkujsh që kërcenin duke sjellë historinë e një çifti gay. Mirëpo ndryshe nga Shqipëria, momenti i kualifikimit është transmetuar.
