Grupi i famshëm suedez i pop-it njoftoi ditën e sotme në llogarinë zyrtare në Instagram se plani për mishërimin e grupit i shpallur më herët, i quajtur “Abbatars”po vihet në zbatim.
“Vendimi për të shkuar përpara me projektin emocionues të turneut të ABBA kishte një pasojë të papritur”, thonë ata në deklaratën e postuar në Instagram.
“Të gjithë menduam se, pas rreth 35 vjetësh, mund të ishte kënaqësi të bashkoheshim përsëri dhe të shkonim në studiot e regjistrimit, kështu që e bëmë.”
“Na u duk sikur koha kishte ndalur dhe ne ishim larguar për një palë pushime të shkurtra. Një përvojë shumë e bukur!”
“Kthimi në studio rezultoi me dy këngë të reja, një prej të cilave, ” I still have faith in you”, do të shfaqen në dhjetor në NBC dhe BBC”.
Ne ndoshta jemi plakur, por kënga është e re”- shkruajnë ABBA.
Grupi, i përbërë nga anëtarët Agnetha Fältskog, Björn Ulvaeus, Benny Andersson dhe Anni-Frid Lyngstad, u shpërbë në vitin 1982.
Në vitin 2016 u bë një ribashkim në Stokholm për hapjen e një restoranti në pronësi të Ulvaeus.
Fansat kanë kohë që e presin rikthimin e tyre.
