Ish-missi shqiptar, Valbona Selimllari nënë e tre fëmijëve, tregohet shumë e rezervuar në publikimin e pamjeve të fëmijëve të saj në rrjetet sociale. Jeta e saj private është shumë hermetike, dhe madje publiku shqiptar vetëm pak vite më parë e mësoi se Valbona është nënë e tre fëmijëve.
Në rrjetet e saj sociale fotot me fëmijet janë të rralla, por si rrallëherë Valbona ka postuar në Instagram një foto të vogëlushes së saj Vivien.
“Në stinën e alergjive dhe virozave ne shkojmë te dhoma e kripës”, ka shkruar Valbona krahas fotos ku shafqet e bija, duke dhënë kështu edhe një këshillë për të gjitha nënat që duhet të tregohen të kujdesshme me fëmijët e tyre në këtë periudhë.
Nga fotoja duket qartë se Vivien është rritur dhe sigurisht që është po aq bukuroshe sa edhe mami Valbona.
