Aktorja e njohur turke, Tuvana Turkay, u përball me një situatë të pakëndshme pasi hyri në shtëpi, prej së cilës i dha fund lidhjes me të dashurin Alper Potuk. Ajo e kapi mat futbollistin duke e tradhtuar me dy femra.
Sipas mediave turke futbollisti organizoi një festë në shtëpinë e tij me një shok dhe dy femra.
Turkay, e njohur në Shqipëri për rolin e saj të Baharit në “Diamante dhe Dashuri”, i shkoi në shtëpi futbollistit pasi ky i fundit nuk iu ishte përgjigjur në telefon.
Ajo i kishte rënë derës, por Alper Potuk nuk e kishte hapur. Më pas aktorja hyri në shtëpi dhe e kapi të dashurin ndërsa po argëtohej me dy femra.
Ndonëse Alper u përpoq të shpjegonte situatën, Tuvana Turkay, e cila kishte përjetuar një ngjarje të ngjashme më parë, i dha fund marrëdhënies në atë moment.
Burimi: Haberturk
