Dy ditë më parë u përfol se Bella Hadid dhe The Weeknd u rikthyen sërish bashkë. “Daily Mail” dhe “E News” shkruan se ish-çifti kaloi disa momente intime në festivalin e famshëm “Coachella”. Ata janë puthur e përqafuar madje të pranishëm kanë qenë edhe Gigi Hadid me Kendall Jenner.
Por ditën e sotme, modelja e famshme ka mohuar çdo thashethem duke komentuar në një nga postimet e portaleve. Ajo shkroi se nuk ka qenë ajo vajza, e cila është puthur me këngëtarin kanadez.
Megjithëse nuk ka asnjë foto që e vërteton këtë moment, shumica kanë vendosur t’i besojnë komentit të 21-vjeçares.
Sa i përket The Weeknd ai u pa në shoqërinë e ish-të dashurës së Justin Bieber, Chantel Jeffries.
Me siguri ka qenë kjo vajza me të cilën është ngatërruar modelja.
Burimi: Daily Mail
