Këngëtarja Elvana Gjata pas suksesit që arriti me albumin “3EP” paralajmëroi se së shpejti do të hidhte në treg këngën e saj më të re.
Ditën e sotme Elvana ka lajmëruar fansat nëpërmjet një postimi në Instagram se është publikuar në kanalin Youtube kënga e saj, e cila vjen si një bashkëpunim me reperin amerikan TY Dolla $ign.
“Off Guard” titullohet kënga e Elvanës, e cila që në momentin e parë ka marrë më shumë se 7 mijë klikime. Fansat kanë mbetur të befasuar nga kjo këngë dhe e kanë komplimetuar këngëtaren shqiptare për klipin. Ndryshe nga klipet e saj të mëparshëm ky është një projekt shumë ndryshe që vjen i punuar nga një producent amerikan, Poo Bear.
Ndërkohë fansat shqiptarë të Kosovës i kanë vënë në dukje Elvanës se kënga e saj nuk mund të hapet në Kosovë.
Pas komenteve të fansave ka reaguar edhe Elvana nëpërmjet një postimi në Instagram ku sqaron se ky problem do të zgjidhet shumë shpejt.
