Brad Pitt ka hedhur pas krahëve të kaluarën dhe ndoshta nuk do që të ketë më lidhje me aktore.
“Page Six” raporton se aktori “po kalon kohë” me profesoreshën bukuroshe të Institutit të Teknologjisë në Massachusetts, Neri Oxman, e cila është gjithashtu një “arkitekte e mirënjohur dhe artiste e vlerësuar me çmime”. Sipas medias, ata u takuan përmes një projekti arkitekturor në universitet, me të cilin është përfshirë Pitt dhe kështu nisi miqësia mes tyre.
“Brad dhe Neri patën një ‘kimi’, sepse ata ndajnë të njëjtin pasion për arkitekturën, dizajnin dhe artin. Kjo përshkruhet më mirë si një miqësi profesionale”, tha një burim për “Page Six”.
Megjithëse është një aktor i njohur, Pitt ka një interes të madh për arkitekturën. Kohë më parë ai tha se, ndihmoi në dizajnimin e një kompleksi në Dubai, në vitin 2008:
“Nëse aktrimi është karriera ime, arkitektura është pasioni im”.
Tani që ka gjetur një mikeshë për të ndjekur hobin e tij, mos prisni që gjërat të bëhen romantike.
“Miqësia e tyre nuk ka kaluar në romancë … pasi të dy janë të kujdesshëm dhe kjo është më shumë një miqësi profesionale. Por Brad është i interesuar të kalojë kohë me të, ajo është magjepsëse”, thotë burimi i “Page Six”.
Pitt i dha fund martesës me Angelina Jolie në shtator të 2016-s, duke bërë kështu një prej divoceve më të bujshme të dekadës së fundit.
Burimi: Harper’s Bazaar
