Shefi i mirënjohur i kuzhinës, Renato Mekolli ka qenë i ftuar këtë të shtunë në emisionin “Thumb” nga Aulona Musta dhe Fatma Haxhialiu.
I pyetur nëse ai ka bërë seks ndonjëherë në kuzhinën e restorantit të tij, Renato ka befasuar me përgjigjen.
“Tek restoranti im nuk kam bërë por në çdo restorant tjetër kam bërë. Jam larguar kam fikur kamerat pastaj…”, është shprehur ai me humor.
Renato tha se aktualisht është në një lidhje por ka një arsye përse emrin e vajzës që i ka vjedhur zemrën nuk e thotë publikisht.
“Vërtetë mund të jem në media por nuk ndihem rehat. Personi që unë dua ka një familje që nuk do që të duket, të flitet publikisht. Po të dali emri do fillojë dhe do futet në telashe me familjen e saj. Po të ishte person i njohur nuk do ta kisha problem. Nëse unë nuk kam diçka serioze nuk mund të dal t’i bëjë reklamë vetes. Për momentin jam në një marrëdhënie, kemi pak kohë bashkë, jemi shumë mirë por kaq”.
“Është shumë e rëndësishme që partnerja ime të dijë të gatuajë. Kam dhe unë nevojë të më gatuajnë. Kur shkoj në shpi dua të ha një ushqim nga nje person që vërtete e dua, ta ha dhe ta shijoj”, ka rrëfyer Renato.
