Për këtë 23-vjeçar kjo pasarelë nuk ishte e para, por ndoshta ndër të parat që do t’i hapë rrugën e suksesit në botën e modelingut. Lirim Ramosaj ka disa vite që është bërë pjesë e modelingut, me reklama apo sfilatave për markat e njohura të modës.
Por së fundmi ai u kurorëzua si “Mister Zvicra”. 23-vjeçari është me origjinë nga Deçani, por jeton prej vitesh në pjesën e Romandisë, regjionin frëngjisht-folës të Zvicrës Perëndimore.
Pas fitores së spektaklit, Lirim Ramosaj postoi një foto në profilin e tij në “Instagram” të dielën, për të falënderuar ata që e mbështetën:
“Një falënderim i madh për të gjithë konkurrentët në këtë aventurë dhe për të gjitha momentet që kaluam bashkë. Faleminderit të gjithëve për urimet dhe mesazhet tuaja. Më pret një vit madhështor. Jam shumë i emocionuar nga mbështetja juaj. Edhe një herë FALEMINDERIT”.
