Përfundimisht, Xhensila Myrtezaj nuk është shtatzënë. Edhe pse çifti akoma nuk është në pritje të ëmbël, Arbana Osmani solli në studio si dhuratën e parë për çiftin dhe fëmijën e tyre një pako me veshje dhe aksesorë, kurdo që ai të vijë. Secila pako përmbante veshje në dy ngjyra, rozë dhe blu.
Çifti ishin të ftuar mbrëmë në emisionin “Dua të të bëj të lumtur”, ku ishte rezervuar edhe një surprizë pikërisht për ta.
“Çdo ditë e më shumë kemi folur se çfarë është lumturia dhe sot, më shumë se kurdo, e dimë se çfarë është. Është dashuria. Ne kemi gjetur çelësin dhe suksesin e lumturisë sonë. Ajo është dashuria për njëri-tjetrin” tha Xhensila për Besin.
Në një inskenim të ngritur në skenën e “Dua të të bëj të lumtur” vjen edhe Ija e Besit së bashku me një gomar për të treguar atmosferën e fshatit Bubq, aty ku Ija jeton.
Në mbyllje të programit Xhensila tregoi për herë të parë diçka tepër personale, për të cilën nuk kishte folur asnjëherë më parë. Ajo ndau me publikun emocionet e saj, duke thënë se gjithmonë e ka parë veten si nënë të një vajze dhe uron me gjithë zemër që në një të ardhme të afërt të ndodhë kështu.
