Dua Lipa dhe Rita Ora na bënë krenarë mbrëmjen e djeshme në ndarjen e çmimeve “Brit Awards”. Dy shqiptaret na emocionuan me performancat e tyre.
Ditët e fundit është përfolur se dy këngëtaret nuk shkojnë mirë me njëra-tjetrën. Fillimisht ishte Rita ajo e cila gjatë konferencës për mediat në Kosovë injoroi përgjigjen e pyetjes se a do të bënte një duet me Dua-n.
Më pas Dua publikoi në “Instagram” një foto të Borat, që të gjithëve na la përshtypjen se ironizoi veshjen e Ritës gjatë koncertit të 10-vjetorit të Pavarësisë së Kosovës.
Jo vetëm kaq, po edhe Rita Ora zgjodhi të reagonte në mënyrën e saj. Ajo publikoi në “Instastory” renditjen e 13 artisteve femra më të suksesshme në iTunes dhe Spotify dhe i kishte vënë vizën emrit të Dua-s, e cila renditej e dyta, për të rrethuar emrin e saj, e cila renditej në vendin e tretë.
Këto detaje na bindën se midis vajzave ka ndodhur një hatërmbetje dhe ato kanë zgjedhur të “sulmojnë” njëra-tjetrën nëpërmjet postimeve në rrjetet sociale. Mirëpo mbrëmjen e djeshme ishte pikërisht babai i Dua-s, Dukagjin Lipa që na vërtetoi të kundërtën.
Ai publikoi në “Instastory” video të Ritës duke perfomuar këngën “Your Song” në “Brit Awards”. Me këtë veprim ai na tregoi se e përkrah këngëtaren kosovare dhe se dy vajzat kanë marrëdhënie shumë të mira me njëra-tjetrën.
Babi i Dua-s me siguri ndihet shumë krenar për vajzën e tij, e cila mbrëmjen e djeshme rrëmbeu dy çmime: “Artistja më e mirë femër” dhe “Artistja më e mirë debutuese”.
