Dua Lipa na bëri të gjithëve krenar me triumfimin e saj në evenimentin më të madh muzikor “Brit Awards”. Këngëtarja shqiptare arriti të fitonte 2 çmime të rëndësishme: “Artistja më e mirë femër ” dhe “Artistja më e mire debutuese”.
Në momentin që mori çmimin “Artistja më e mirë femër”, Dua tërhoqi vëmendjen e të gjithëve me fjalimin e saj.
“Dua të falënderoj çdo femër që ka qenë në këtë skenë përpara meje, që i ka dhënë vajzave si unë, jo vetëm vajzave në industrinë e muzikës, por çdo vajze në shoqëri, një vend për t’u frymëzuar, për t’u marrë si shembull dhe që na lejoi të ëndërronim.
Faleminderit shumë. Kjo është për më shumë femra në këtë skenë, për më shumë fituese femra dhe më shumë femra që mbizotërojnë botën”, u shpreh Dua e emocionuar.
Ndërsa kur mori çmimin e dytë, “Artistja më e mirë debutuese”, këngëtarja shqiptare u ngjit në skenë së bashku më motrën dhe vëllain e saj, Rina dhe Gjin Lipa.
“Arsyeja se pse i solla ata në skenë, është se në kohën kur bëja albumin ju thosha se duhet të besojnë në magji, ajo ndodhi”, tha Dua.
“You guys have made all my dreams come true” – @dualipa#DuaLipaBRITs collects the award for British Breakthrough at The #BRITs 2018 and brings her siblings on stage
Watch The #BRITs 2018 LIVE here: https://t.co/YP6iG713ES pic.twitter.com/trt3m483fE
— BRIT Awards (@BRITs) February 21, 2018
