Rita Ora rrëmbeu vëmendjen e të gjithëve në koncertin e organizuar me rastin e 10-vjetorit të Pavarësisë së Kosovës. Ajo u vlerësua pa masë për mbështetjen që dha për vendlindjen e saj dhe për performancën emocionuese që ofroi. Megjithëse pati edhe reagime jo pozitive në lidhje me veshjen e saj.
Prestigjiozja “Daily Mail” ndoqi gjithë vizitën e Ritës në Kosovë, por ka bërë një “gafë” të madhe në titullin e video-s që ka publikuar nga koncerti i organizuar në Prishtinë.
“Rita Ora feston 10-vjetorin e Pavarësisë së Ukrainës”, shkruhet në titullin e videos.
Edhe pse në shkrim thuhet se Rita është takuar me kryeministrin e Kosovës Ramush Haradinaj, në titullin e videos është gabuar duke shkruar Ukraninë në vend të Kosovë.
Ndërsa në një artikull të dytë “Daily Mail” ka shkruar për koncertin madhështor që u mbajt në Prishtinë me të ftuar speciale Rita Orën.
