Eneda Tarifa dhe partneri i saj prej shumë vitesh, Erjon Zaloshnja, i kanë dhënë fund martesës së tyre. Dyshja janë prindër të një vajze në maj të vitit 2013.
Burime për Anabel.al tregojnë se çifti nuk shikohen më bashkë dhe mesa duket, i kanë ndarë rrugët me njëri-tjetrin, në të gjitha aspektet.
Prej vitesh bashkëpronarë të një club-i të njohur në Tiranë, ky është sezoni i parë që Eneda Tarifa nuk këndon në këtë lokal. Të shtunën, Erjon Zaloshnja zhvilloi mbrëmjen hapëse të sezonit, por partnerja e tij shumëvjeçare në jetë dhe në biznes jo vetëm që nuk këndoi, por nuk u duk fare në lokal.
Tarifa duket ta ketë braktisur biznesin që menaxhonte bashkë me Zaloshnjen, pasi më 3 janar ishte duke kënduar në një prej club-eve konkurrente. Eneda nuk ka bërë asnjë reagim në publik, ndërsa nga 19 janari, ajo do të jetë e angazhuar me “The Voice Kids”, ku do të jetë pjesë e jurisë dhe trajnere e konkurrentëve, krah Miriam Canit, Aleksandër Gjokës dhe Renis Gjokës.
Çifti kanë preferuar të qëndrojnë larg rrjeteve sociale, përpos vendit ku performonin bashkë dhe ku publiku kishte mundësinë t’i shihte të dy. Në një prej statuseve të pakta që këngëtarja ka publikuar për Erjonin ka qenë 3 vite më parë për Shën Valentin, ku shkruante: Si nuk mu mërzite gjithë jetën!
