Xhemi Shehu është një ndër moderatoret më simpatike të ekranit shqiptar. Ajo është nënë e dy djemve, Martin dhe Gabriel.
Mbrëmja e djeshme ishte një ndër më të veçantat e jetës së saj. Miqtë dhe kolegët e Top Channel kanë zgjedhur ta surprizojnë Xhemin në mesnatë, e cila sot feston ditëlindjen. Ka qenë Arbana Osmani, mikesha e zemrës së saj, e cila ka postuar një video në “Instagram” ku shfaqet Xhemi duke kërcyer me Eno Popin.
E veshur me rroba sportive dhe me një palë çizme, të cilat mesa shihet janë marrë me nxitim, Xhemi shfaqet më e lumtur se kurrë duke vallëzuar me Enon, ndërsa në sfond duket një fishekzjarr si për të celebruar ditën e saj të veçantë.
Një skenë që ngjan si pjesë e ndonjë filmi Krishtlindjesh, dhe na tregon se festat nuk paskan mbaruar për Xhemin, e cila duhet të ndihet shumë me fat që ka në krahë miq që e duan dhe dinë të surprizojnë
“Dancing with our star. Happy Birthday Xhemi! We love you”, shkruan Arbana Osmani, në videon që ka postuar në” Instagram” dhe që ka surprizuar moderatoren e njohur Xhemi Shehu.
