“Bleona Qereti, e njohur si ‘Bleona’, konsiderohet si “Madonna e Shqipërisë” dhe është e njohur për vetëbesimin e pakushtëzuar dhe performancat provokuese”. Kështu nis shkrimin revista prestigjioze “Forbes”, në një shkrim dedikuar këngëtares shqiptare.
“Forbes” thekson se ajo që e veçon Bleonën nga yjet e tjera të pop-it është vetëfinancimi dhe pavarësia ekonomike e saj.
Revista bën një përmbledhje të jetës së Bleonës që kur ajo ishte fëmijë, duke treguar hap pas hapi sakrificat e këngëtares për të t’ia dalë në industrinë e muzikës, brenda dhe jashtë Shqipërisë.
“Forbes” thekson se Bleona ka publikuar 8 albume, ka shitur 1.5 milionë të tillë, ka fituar disa çmime, është shfaqur në mbi 35 kopertina revistash dhe ka performuar për miliona fansa anembanë botës.
Duke vlerësuar mbi të gjitha origjinalitetin dhe vendosmërinë për t’ia dalë mbanë, revista liston edhe disa prej bashkëpunimeve me emra të njohur si producentin Timbaland, Petey Pablo e Brasco.
Vetë këngëtarja ka zbuluar se për albumin e radhës ka bashkëpunuar me producentë si, RoccStar, Fuego e Rodney ‘Darkchild’ Jerkins.
Ndërkohë, ish-mentorja e “X-Factor Albania”, pas suksesit me hitin dance “Take You Over”, aktualisht po punon për të sjellë një tjetër këngë, që do t’i përkasë rrymës pop dance, një projekt të cilin ajo po e realizon në studion e “Audacious Records”.
Artikulli është shkruar Seamus Kirt, ndërsa mediat shqiptare kanë nisur dyshimet se ajo ka paguar prestigjiozen “Forbes” për ta realizuar. Se cila është e vërteta dhe nga çfarë u nis revista që të publikonte këtë artikull mbetet për ta verifikuar si këngëtarja ashtu edhe “Forbes”.
Burimi: Forbes
