Nard Ndoka është një ndër personazhet më të njohura të politikës shqiptare. Batutat e tij të famshme kanë bërë xhiron e rrjeteve sociale dhe besoj ju kujtohen të gjithëve .
Ish-ministri i Shëndetësisë ishte i ftuar në “Pasdite në Top Channel” ku rrëfeu se jo vetëm që i lexon batutat e tij, por edhe argëtohet me to.
“Unë jam natyrë me humor, batutat janë pjesë e imja, madje edhe në pjesën politike. Edhe në parlament, kjo puna e batutave më përmendet më shpesh, aq sa ndonjëherë më duket sikur më shumë më njohin përmes batutave”, tha ai.
Nard Ndoka pranoi gjithashtu se ka pasur raste kur është abuzuar me figurën e tij dhe natyrisht që në këtë pjesë nuk bën tolerime.
“Në fakt, edhe është abuzuar, janë mbledhur edhe batutat popullore dhe janë vendosur në gojën time. Por i kam marrë me sportivitet, pavarësisht se edhe disa thënie folklorike janë në gojën time”, rrëfeu më tej Ndoka.
