Ndarja e çiftit të Big Brother, Xheni-Bernardi, të cilët e patën fillesën e tyre në shtëpinë e e famshme, bëri shumë bujë në shoëbiz-in shqiptar.
Për të folur për arsyet që e çuan drejt këtij vendimi, Xheni ka zgjedhur emisionin e Top Albania Radio, “Thuaje me Pepsi” nën drejtimin e Dojna Memës.
“Ndarja ka ardhur nga unë”, është shprehur Xheni. “Kemi dy muaj që jemi ndarë sepse Bernardi ka nevojë të rritet dhe pak. Ndoshta nga Big-u kujtoi se ishte më personazh se ç’ishte dhe harroi se kishte një të dashur nga pas”.
Ajo ka treguar edhe se është përpjekur të distancohet nga ai, që Bernardi të “sistemohet”, por ai vazhdoi me të njëjtat gjëra.
E pyetur nëse e mendon rikthimin me djalin nga Laçi, Xheni e ka mohuar kategorikisht.
“Unë e shihja Bernardin si mashkullin e jetës. Por ai kishte plane të tjera dhe deri tani nuk ka asnjë ndryshim”, u shpreh Xheni.
