Princi Harry dhe Meghan Markle njoftuan sot fejesën dhe do të martohen vitin e ardhshëm. Lajmi i gëzueshëm bëhet publik vetëm pas disa ditësh spekulime se ai i kishte propozuar të dashurës amerikane.
Çifti do të shfaqet së bashku në televizionin kombëtar në Britaninë e Madhe për herë të parë këtë mbrëmje, për të folur për fejesën dhe lidhjen prej 16 muajsh.
33-vjeçari Harry, i cili zbuloi një vit më parë, se ishte i lidhur me aktoren pas një marrëdhënie të fshehtë 4-6 muajsh, i propozoi Meghan, 36 vjeçe, në Londër në fillim të këtij muaji.
Protokolli mbretëror dikton se i pesti i fronit, Harry, duhet t’i kërkojë gjyshes së tij, Mbretëreshës, leje për t’u martuar dhe ajo ra dakord në muajin kur festoi 70-vjetorin e martesës së saj.
Në një deklaratë, Madhëria e saj dhe Princi Philip thanë se janë “të kënaqur për çiftin dhe u urojnë atyre lumturi”.
Harry dhe e fejuara e tij amerikane, që u divorcua nga bashkëshorti i parë në vitin 2013, do të zhvendosen në Nottingham Cottage në oborrin e Pallatit Kensington pranë vëllait William dhe kunatës së tij, Kate.
Duka dhe Dukesha e Kembrixhit thanë në një deklaratë të përbashkët: “Ne jemi shumë të emocionuar për Harry-n dhe Meghan. Është e mrekullueshme të njohësh Meghanin dhe të shohësh sa e lumtur është ajo dhe Harry së bashku”.
Babai i djemve, Princi Charles, tha se ishte “i entuziazmuar” dhe “shumë i lumtur” për ta.
Harry u kërkoi dorën e vazjës prindërve të Meghan-it, Thomas Markle dhe Doria Ragland, të cilët u divorcuan kur aktorja ishte vetëm 6 vjeçe.
“Vajza jonë ka qenë gjithmonë një person i dashur. Të shohësh bashkimin e saj me Harry-n, i cili ndan të njëjtën cilësi, është një burim i madh gëzimi për ne si prindër”, u shprehën ata.
Harry dhe Meghan nuk kanë thënë se ku do të martohen, por pjesëtarët e familjeve mbretërore martohen në Westminster Abbey, Katedralen e Shën Palit ose në kishën Windsor Castle. Burimet kanë thënë se ka gjasa të jetë një martesë në kishë.
Meghan mund të bëhet një princeshë ose si alternativë do t’i jepet titulli i Dukeshës së Sussex, kur ajo të martohet me të Harry-n dhe të bashkohet me familjen mbretërore.
Por ata kanë gjasa të presin derisa Princi William dhe Kate të bëhen prindër për herë të tretë, fëmija i tyre është parashikuar të lind në prill.
Sipas njoftimit të Kensington Palace: “Dasma do të zhvillohet në pranverë të vitit 2018. Detajet e mëtejshme do të shpallen në kohën e duhur”.
Meghan me ish-bashkëshortin
Burimi: Daily Mail
