Surpriza e Bashkisë së Tiranës për Natën e Bardhë, i gëzoi të gjithë qytetarët kur mësuan se Emeli Sande do të performojë në sheshin “Skënderbej” më 29 nëntor.
Lajmi është bërë publik nga bashkia e Tiranës disa ditë më parë dhe tashmë, për performancën e artistes së famshme kanë nisur përgatitjet. Artisten ndërkombëtare pritet ta ndjekin shumë adhurues të kryeqytetit, por nuk do të jetë e vetmja që do ta kthejë sheshin kryeqytetas në një zjarr festiv.
Përveç saj, në pranverën e vitit të ardhshëm pritet të vijë në Shqipëri edhe një këngëtar që pushton skenat botërore në çdo koncert. Ai është Enrique Iglesias, i cili bashkë me shumë yje të tjerë botërorë, duan ta bëjnë pjesë të turit të tyre edhe kryeqytetin shqiptar. Por nuk do të mbetet me kaq, tha Juli Dhame, drejtore e promovimit në Bashkinë e Tiranës. Edhe gjatë muajit të fundit të vitit, pritet që Tirana të ketë edhe shumë aktivitete artistike.
