Uragani Maria që goditi Puerto Rikon më 20 shtator, la jo vetëm dëme materiale por edhe në njerëz. Ka shumë vendas që nuk dihet ku ndodhen pasi nuk janë gjetur ende.
Një ndër ta është edhe vëllai i këngëtarit të njohur nga Puerto Riko, Ricky Martin. Nëpërmjet një video në “Instagram” ai ka bërë apel për ndihmë pasi kërkon të gjejë vëllain që ka humbur pas kalimit të uraganit Maria në Puerto Rico.
“Jam shumë i shqetësuar sepse nuk po arrij dot të lidhem me një nga vëllezërit e mi. Nuk e dimë ku është. Jam i sigurt që nuk jam i vetmi. Ka shumë njerëz që jetojnë jashtë ose në ishull, që nuk arrijnë të flasim me familjet e tyre për shkak të problemeve me komunikimin”, u shpreh ai.
Ricky Martin u kërkoi 8.9 milionë ndjekësve të tij të kontribuojnë në fushatën për mbledhjen e fondeve që u lançua pak ditë më parë, për të rindërtuar ishullin e për të ndihmuar viktimat që shkatërroi Maria.
