Pavarësisht se është kryetar i Bashkisë së Tiranës dëshiron që të mbajë një profil sa më popullor: përdor fjalë të zhargonit të përditshëm, publikon foto me bashkëshorten dhe tregon detaje nga jeta private.
Erion Veliaj ishte i ftuar dje në emisionin “Vila 24”. Ai foli për projektet e reja por gjithashtu nuk ka lënë pa përmendur edhe jetën personale edhe pas pyetjeve që i janë drejtuar, si për shembull detaje për talentin e bashkëshortes në kuzhinë.
“Ajola është super në gatim, gatuan shumë gjëra të mira dhe ka një fantazi të madhe por sigurisht nuk harron edhe gjërat e thjeshta, si Imam Bajalldi dhe Barbunja”, u shpreh kryetari i Bashkisë.
Por pavarësisht gjithë këtyre fjalëve të mëdha Erjoni, na ka çuditur duke thënë se ai shumicën e kohës ha sufllaqe dhe sanduiçe në zyrë, për shkak të angazhimeve të shumta që ka.
