Nexhmije Pagarusha u shfaq sot pas shumë kohësh publikisht, në një videomesazh për Aurela Gaçen.
Këngëtarja vlonjate postoi në “Instagram” videon ku Pagarusha, një legjendë e gjallë e muzikës shqiptare, e quan një person shumë të dashur për të. Videoja nuk është e plotë, por mund të dëgjohet Pagarusha tek thotë: “Për Aurelën time, më të dashur që kam…”
Hera e fundit kur Pagarusha u shfaq në publik ishte në shkurt, pasi u grimua nga një prej artisteve të makijazhit.
Performanca e fundit e saj në ekranin shqiptar ishte në 2014-n, kur këndoi “Vetë ke mbetë” në “Dancing With the Stars”.
Ende ruan paraqitjen klasike me onde, siç e kemi parë në videot e viteve ’60-’70, kur Pagarusha do të ngrihej në statusin e një prej këngëtareve më të shquara të historisë së muzikës shqiptare.
